Bacolod City – Kastigo ang nadangtan sang isa ka 49 anyos nga lalaki matapos ini ang ginreklamo sang pagpangawat sang manamit kon lutuon nga patutin, ang pato.
Las 11:30 ang takna sang udto sang Hunyo 7 sang gulpi lang nagsinggitan si Eduena Lindog, 34 anyos nga “Kawatan! May Kawatan” sa diin iya gid nakit-an si Bernard Lindog alyas ‘Digol’, pumoloyo sang Roxas Avenue, Barangay 39 nga nagakugos sang iya ginasagod nga pato.
Nabatian ini sang iya mga kaingod sa Purok Cadena de Amor, Barangay 9, Bacolod City kag didto na natabo ang pagkastigo kay Digol kag gindala sa police station nga puno sang lagob kag lanog ang iya kalawasan.
Nakilala gid ni Eduena ang iya pato bangod sa kolor sini nga nagaagaw agaw ang itom kag puti.
Facebook Comments
