Opisyal nang gibuksan kagahapon ang Cebu Press Freedom Week karong tuiga. Gatusan ka mga miyembro sa press diri sa Cebu City ang mitambong. Mga empleyado sa DYHP ug iFM didto pud para makilingaw ug magsaulog sa maong selebrasyon. Sama sa mga niaging tuig anaay kontis sa sayaw. Ug karong tuiga Despacito Dance Contest ang highlight sa maong opening salvo.
Nakuha sa KBP team ang ikaduhang pwesto og nakaangkon og 15,000 pesos cash prize. Ang mga drama talent na silang Jeffrey, Carol, John Paul ug Inggrid apil sa maong sayaw. Kauban pud ang mga news writer/reporter sa DYHP nga silang Marissa, Aztra ug Futch. Ug wa pud palupig ang mga djs sa iFM na silang Boy Kirat, Maria Pikat ug Maria Bogart Cosajos kay miapil pud sa maong sayaw.
Champion ang team gikan sa The Freeman. Ikatulong ganti ang nadawat sa Cebu Daily News ug ikaupat ang sa SunStar. Lingaw ug hugyaw kaayo ang mga presentasyon. Mabuhi ang tanang mga miyembro sa press diri sa Sugbo!
Photo credit alang kang Sir Alan Tangcawan nga atoang higala gikan sa SunStar. Para pud makita ninyo ilang sayaw pwede mong mobisita sa Utan Bisaya nga facebook account.
