Ang Department of Education (DepEd) Region 6 ang napilian nga maga-host sang kick-off sang Brigada Eskwela 2020.
Ini ang gin-confirm ni DepEd Region 6 OIC Regional Director Ma. Gemma Ledesma sa interview sang DYHB.
Apang suno kay Ledesma, indi na pagpaninlo kag pagpatahom sang classrooms ang focus sang karun nga Brigada Eskwela bangud sang COVID-19, sa diin ginaduso na ang bag-o nga learning scheme.
Suno sa opisyal, mangin focus na sang Brigada Eskwela sini nga tuig amo ang pagpangita sang partners nga makahatag solusyon sa mga kakulangan sang tagsa ka ekswelahan agud maka-adopt sa new normal.
Suno kay Ledesma, target nila ang pagpangita sang partners nga makahatag sang internet connection sa mga eskwelahan, learning gadgets kag modules para sa mga estudyante.
[image: image.png]
