BACOLOD CITY – Natukiban nga bayaw gali sang isa ka general nga nagpungko sadto OIC PNP chief ang nadakpan nga suspek nga may warrant of arrest sa kaso kidnap for ransom Martes las 10 sang aga sa Brgy. Singcang Airport, Bacolod City.
Ang suspek nakilala kay Victor Espina Jr., 54 anyos ang edad, tumandok sang Sitio Kamipuan, Brgy. Tambulod, Ormoc City kag temporaryo nga naga-istar sa LT Vista St., Purok Hollow Blocks, Brgy. Singcang Airport, Bacolod City.
Si Espina ang gindakup pinaagi sa warrant of arrest nga gin-issue ni Honorable Judge Caesar Buenagua sang Pasig City RTC Branch 160 bangud man sang kaso nga kidnap for ransom.
Gin-serbe sang mga katapo sang Negros Occidental Provincial Mobile Force Company kag Philipine National Police Anti Kidnapping Group Visayas ang warrant of arrest batuk kay Espina pasado mg alas 10 Martes sang aga sa iya gina-istaran sa amo nga lugar.
Nahibaluan nga si Espina ang brother in law ukon bayaw gali ni General Leonardo Espina, anay deputy director general sang PNP kag naka-agi man serbe bilang PNP OIC chief.
Madumduman nga mismo si General Espina ang nagsiling nga may bayaw ini nga naga-gamit sang iya ngalan agud nga makahimo sang connection sa ginpatay nga Albuera Mayor nga si Rolando Espinosa kag sa iya bata nga si Kerwin Espinosa.
Samtang, nabuyagyag man sadto sa ginpatigayon nga senate inquiry nga ang nadakapn nga si Victor Espina ang ginaalegar isa sa naga supply sang armas sa pamilya Espinosa.
Si Espina wanted for the kidnapping-for-ransom sang (4) Korean nationals, nga sanday Hyun Seok Cho, Kang Dae Jin, Kim Minsung, Kim Kyung Ju sang January 22, 2015 sa #155 V Cruz, Brgy Maytunas, San Juan City, Metro Manila.
Ang kaso Espina ang non-bailable ukon wala sang pyansa. /dyHB BACOLOD
