Kidnap ya tamen!

Ta continua pa ahora el maga otoridad hace el embuscada con el un Briton y su esposa Pinay despues canila ya saca el maga armao kidnapper na diila mismo resort na Tukuran, Zamboanga del Sur del Biernes por la noche.
Con el maga victima ya conose como canda Allan Hyrons, 70, y su esposa si Wilma Hyrons, ambos dweño del Hyrons Resort na mencionao.
Ta aparese na report que del Webes tiene ya dos suspechao el yan check-in na resort y del Biernes serca man alas 7 del noche ya llega el man maridable Hyrons donde derepente ya lang tiene cuatro armao persona ya hala canila para na cantoy mar y porsaomente ya ase munta canila na un pumpboàt donde tiene ya estos dos otro uban el ta espera canila.
Ya navega el pumpboàt y dayun tambien ya reporta el incidente na otoridad pero Talya ya el maga victima y el maga kidnapper.