Davao City – Gilimod sa 16 anyos nga lalaki nga siya ang mi-kidnap sa 13 anyos nga babae kinsa giingong missing niadtong adlawng Sabado, Mayo 26, 2018.
Sa pakighinabi kang alyas Gio, taga Bangkal ning dakbayan sa Davao, iyang giklaro nga dili tinuod ang mga storya ug pasangil nga iyang gikidnap ang babae nga si alyas Jane nga taga El Rio, Bajada ning syudad diin gibutyag sa lalaki nga usa ka bulan pa lang silang magkaila pinaagi sa chat.
“Sa group chat lang, nagchat-chat lang mi ato, bored man daw siya ato ug kailangan niya ug ka chat… kay nihangyo, namugos siya sa akoa nga muuban siya kay mulayas siya sa ilang balay kay nahadlok siya nga mahibal-an sa iyang mama nga buntis siya”
Gilimod usab ni Gio nga dili iyaha ang ginadala karon ni Jane apan kabalo na siya daan ayha sila nag uban nga buntis kini.
Dugang pa nga adunay conversations ang duha ka mga bata sa chat ug gipakita kini sa lalaki ngadto sa pamilya sa 13 anyos aron maklaro ang side niya.
Gani kaganina na-rescue sa NBI ang menor de edad human nga miuli ang lalaki ug gibutyag niini og asa ang gikahimutangan sa babae.
Gisulayan usab namo pagkuha ang side sa babae apan nagdumili og paghatag og komento ang inahan niini.
Sa karon ginahulat pa ang official statement or press release gikan sa NBI kabahin sa maong panghitabo.
Kahinumduman nga nagviral ang mga posts sa pagpangita sa 13 anyos nga bata kinsa alegasyong gikidnap human nawala atong Sabado sa kadlawun.
RadyoMaN Renz Barbarona
