Basin kuno sa pre-workout drink nakuha ni Kiefer Ravena ang prohibited substance nga mikalat sa iyahang sistema mao nga wala kini makapasa sa drug test sa FIBA.
Base sa statement ni Philippine Olympic Committee President Ricky Vargas, sa pre-workout drink nga mapalit over-the-counter gikan ang prohibited substance nga nakita sa Gilas player.
Ang mga substance mao ang Higenamine, 1,3-Dimethylbutylamine, and 4-Methylhexan-2-amine.
Tungod niini, gideklarang ineligible si Ravena para modula sulod sa 18 months gikan February 25, 2018 hangtod August 24, 2019.
Wala pay abiso ang Samahang Basketbol ng Pilipinas kung mao ba gyud kini ang hinungdan sa kalit nga pagpauli kay Ravena gikan Iloilo City niadtong Domingo.
Parte unta ang NLEX rookie sa Visayas team nga sumagupa sa Smart National Team sa third ug last leg sa PBA All-Star games, apan anang pagkahapon , nag-impake na ug nagdalidali ug balik sa Manila.
