Mag-atubang sa lihok protesta ang Administrasyon ni President Duterte ugmang adlawa atol sa ika 115 ka tuig nga anibersaryo sa Labor Day.
Dinhi sa Cagayan de Oro, gibutyag ni Wildon Barros, Spokesman sa Kilusang Mayo uno sa Northern Mindanao nga ilang sunogon ugmang adlawa sa ilang lihok protesta ang effigy ni President Dutete.
Matud ni Barros nga dismayado ang sector sa mga trabahante kay wala tumana sa Presidente nga taposon na ang ENDO o End of contractualization sa nasud.
Matud ni Barros nga mokabat sa kapin tres mil ka mga trabahante sa Cagayan de Oro, Misamis Oriental ug Budkidnon ang mo-apil sa ilang mass action ugmang adlawa ilang i-dramatized ang ilang demanda nga tapuson na ang ENDO ug hatagan sa dako nga suholan ang mga trabahante.
-o0o-
By: RadyoMaN Nitz Arancon
