Dili madawat o dili lakip sa kultura sa Pilipinas ang paghalok sa lips sa usa ka babaye aron lamang lipayon ang mga manan-away.
Kini ang gibutyag sa Gabriela Women’s Party-list Group human gipakagamay lamang ni Presidential Spokesperson Harry Roque ang gihimog paghalok ni Presidente Rodrigo Duterte sa lips sa usa ka Pinay atubangan sa Filipino community sa South Korea.
Matud ni Gabriela Women’s Party Representative Arlen Brosas, ang gihimo sa Presidente kabahin matud pa sa lata nga misogynist culture nga gipailaila ug gihimong normal kini sa iyang mga speech ug paglihok atubangan sa publiko.
Gibutyag usab ni Brosas nga dili isyu sa kontrobersiyal nga paghalok sa Presidente ang paghatag sa panugot sa Pinay kundili ang pagpakita sa machismo sa pinakataas nga opisyal sa Pilipinas atubangan sa mga Filipino ug tibuok kalibutan.
Dugang pa sa magbabalaod, gigamit lamang ni Presidente Duterte ang mga kababaihan aron makakuha sa atensyon sa media ug tabunan ang kapakyasan niining mapataas ang istado sa mga babaye ug mga OFW.
Web photo
