Mokabat na ngadto sa 1. 4 milyon pesos ang kinatibuk-ang kita sa mga mamaligyaay gikan sa Misamis Oriental sulod sa pito ka semana.
Kini human gisugdan ang farmers market, sa kapitolyo probinsiyal.
Matud ni Misamis Oriental Governor Bambi Emano, nga kusog kayo ang farmers market matag adlawng Biyernes, tungod kay makapalit ang mga konsumidor og barato nga palaliton nga abot sa mga mag-uuma sa lalawigan.
Tungod niini buot nga i-congratulate ni Governor Emano ang Provincial Agriculture Office sa pagpangulo ni Dr. Benjamin Resma ug mga kauban niini, tungod sa kalampusan sa farmers market.
Dugang pa sa gobernador, nga gihimo niya kini nga inisyatiba ug gimugna, tungod kay bu-ot niini nga mabaligya sa mga mag-uuma ang ilang gitikad, nga dili moderetso ngadto sa mga komprador, ug paliton na lang sa mubo nga presyo .
