Ginkansela ang klase subong nga adlaw sa lima ka mga banwa sa probinsya sang South Cotabato tungod sa naeksperyensyahan nga pag-ulan-ulan halin pa kagab-i tubtob subong nga aga.
Sa datos sang Provincial Disaster Risk Reduction and Management Office South Cotabato ang mga nagkansela sang klase sa tanan nga levels amo ang banwa sang Sto. Niño, Surallah, T`boli, Banga kag Norala.
May-angot sini ginaawhag naman ni Pdrrm Action Officer Mila Rivera ang mga pumuluyo sa probinsya partikular na ang yara sa mga area nga prone sa pagbaha kag landslide nga mangin alerto tungod sa naeksperyensyahan nga pag-ulan epekto sang bagyo nga ‘Urduja’.
Facebook Comments
