Malaybalay City, Bukidnon – Mitaas na ang presyo sa bugas sa piso hangtod 3 pesos gumikan matud pa sa epekto sa Tax Reform for Acceleration and Inclusion (TRAIN) law.
Sa interview sa RMN Malaybalay ngadto kang Antonio Ka Tunying Flores, ang secretary general sa Kilusang Magbubukid ng Pilipinas, gibutyag niini nga adunay halos 3 pesos nga usbaw sa presyo sa bugas sa tibook nasud kini base sa obserbasyon ug subay sa ilang pakisusi sa kamerkaduhan.
Nitaas matud pa kini gumikan sa sunod-sunod nga pagtaas sa presyo sa mga produktong petrolyo tungod sa epektibo ang TRAIN law.
Samtang sa interview sa RMN Malaybalay ngadto kang Gil Tabor, ang Provincial Manager sa National Food Authority kon NFA Bukidnon gibutyag niini nga dili apil ang bugas ug ubang pang prime commodities sa Train Law apan tungod sa mga logistics nga gigamit niini sama sa equipment nga apektado sa pagtaas sa gasoline posibleng ma –apektuhan ug mutaas ang mga mga presyo sa mga commercial rice.
Apan giklaro sa Provincial Manager nga dili apektado ang presyo sa NFA rice tungod kay fix na ang presyo niini gawas lang sa commercial rice.
