Dautan ang boot sa leader sa Kilusang Mayo Uno o K-M-U sa dihang wala maka-abot dinhi sa Cagayan de Oro kagahapon sa buntag ang ilang mga kauban gikan sa Bukidnon nga mo-apil unta sa ilang lihok protesta sa Divisoria atol sa ika 116 ka tuig nga anibersaryo sa Labor Day.
Matud ni Wildon Barros, Spokesman sa K-M-U sa Northern Mindanao Region nga giharang sa mga ginsakpan sa 88th infantry Battalion sa Quezon Bukidnon ang ilang mga kauban nga mo-anhi unta sa Cagayan de Oro kagahapon sa buntag.
Gibutyag ni Barros nga kini ang rason nga mikabat lamang sa kapin kon kulang usa ka libo ra ka mga sakop sa K-M-U ang mi-apl sa ilang lihok protesta kagahapon sa Divisoria.
Gidugang ni Barros nga kung wala pa unta haranga sa mga sundalo ang ilang mga kauban sa Bukidnon mikabat unta sa kapin tulo ka libo ka mga miyembro sa K-M-U ang naka-apil sa ilang mass action sa Divisoria kagahapon.
RadyoMaN Nitz Arancon
