Nagpakitabang sa kapulisan sa lungsod sa Liloy ang usa ka biktima human kini gihulga sa usa ka indibidwal nga nagtrabaho sa munisipyo sa lungsod sa Liloy.
Nahitabo kini didto sa Villa M. Tejero sakop sa lungsod sa Liloy niadtong adlawng myerkules bandang 5:50PM.
Tungod sa kahadlok sa biktima nga si May Cabañog Gonzales, 25 anyos iyang gipaaresto si Edgardo Caidic Chiong, 53 anyos nagtrabaho kini sa Treasurer’s Office sa lungsod sa Liloy isip revenue collector.
Malampuson kining naaresto sa Liloy Pnp human sa ilang gihimong pagresponde sa maong reklamo.
Saysay pa sa biktima nga si May gihulga kini siya ug gitiunan pa sa Air gun hinungdan nga grabe ang iyang kahadlok niadtong higayuna.
Gibutyag karon sa Hepe sa Liloy nga si PC/Insp Jose F. Rivero III gihikay na ang pagpasaka ug kaso batok kang Edgardo aron manubag sa iyang gihimong pagpanghulga.
