Subli nga maglunsad sa Surprise Inspection ang Committee on Trade sa City Council, aron ilang susihon ngano nga misaka ang presyo sa Commercial rice ning syudad sa Cagayan de Oro.
Ma-o kini ang gibutyag ni City Councilor George Goking, nga Chairman sa Committee on Trade and commerce sa City Council,
Wala ibutyag ni Goking kanus-a sila maglusad sa ilang ika duhang surprise Inspection, gawas lamang sa iyang pag-ingon, ila nang nasabutan sa mga official sa National food Authority, nga ilang susihon ang mga bodega sa mga commercial rice trader ning syudad, aron pagsuta, kon ngano nga misaka sa 5 ngadto sa 6 pesos kada kilo ang presyo sa commercial rice.
Matud ni Goking, nga gusto masuta sa iyang Committee, kon duna bay hording o wala sa bugas, aron paghatag protection sa mga rice Consumers.
Dugang pa ni Goking nga sa oras nga ilang masapon sa iyang committee, nga dunay mga rice trader nga nag-hording sa bugas, segurado nga iyang i-rekomendar sa NFA, nga pahamtangan sila sa tukmang silot, maong mga negosyante.
Mahindondoman nga niadtong milabay nga simana, unang naglunsad sa Surprise Inspection ang committee ni Goking, ug ilang nasuta nga dunay igong supply sa NFA rice sa mga bodega sa national Food Authority.
