BACOLOD CITY – Yari karon diri sa ciudad sang Bacolod ang mga Hapon nga negosyante para magpang-recruit sang mga Filipino workers agud magtrabaho sa pungsod Japan.
Ginpahayag nga nag-abot sa Bacolod City ang mga Japanese businessmen nga sanday Koichi Shiode kag Shimpei Kitsukawa angut sa ila recruitment program kon diin prioridad nila ang mga Filipino workers.
Ini ang magabukas sang oportunidad sa mga Bacoleño nga magatrabaho sa Japan sa patag sang construction, health care subong man shipbuilding business sa amo nga pungsod.
Angut sini, ginpahayag ni Councilor Bart Orola nga si Kitsukawa ang tag-iya sang isa ka kompaniya nga nagapanghimo sang industrial products.
Nahibaluan nga partikular nga pagakuhaon sang amo nga mga hapon bilang trabahante halin sa Bacolod amo ang mga welders kag factory workers.
Sa impormasyon magtawag lang sa 432-7202 sang Bacolod PESO. /dyHB BACOLOD
