Davao City – Praktikal na karon ang mga Pilipino ilabi na sa mga political decision niini diin sagad kini makita kun mo-reflect diha sa mga ginahimo nga mga performance and satisfaction ratings surveys sa mga pollsters sama sa Social Weather Station (SWS), Pulse Asia ug uban pa.
Sumala ni Ateno De Davao University (ADDU) Political Science Prof.Ramon Beleno III, mibati na karon sa katagbaw ug komportable ang kinabuhi sa mga tawo sa gihimo sa gobyerno ilawom sa administrasyon ni Pres. Rodrigo Duterte hinungdan nga taas ang iyang nasakmit nga trust rating sa latest survey sa Social Weather Station (SWS) sa ikaduhang quarter karong tuiga.
Matud ni Beleno, wala makaapekto ang mga nag-unang issues sama sa Recto Bank collision sa barko sa China ug usaka Pinoy fishing vessel ug ang war on drugs tungod kay sa bulan sa Hunyo miubos ang inflation rate nga miresulta usab sa pag-ubos sa presyo sa mga palaliton nga nasinatian gilayon kini sa katawhan.
Sa nakalabay’ng bulan sa gihimong survey miubos ang gidaghanon sa mga kapobrehon.
Nagtoo si Beleno nga mao kini ang gibasihan sa mga tawo kung nganong satisfied sila sa performance sa atong presidente.
Apan giklaro usab sa professor nga ang pagpaundang sa operasyon sa mga investment schemes malagmit adunay mamahimong epekto sa iyang sunod nga rating ilabi na denhe sa Mindanao.
RadyoMaN Bernard Pantallon
