Na-detain sa Carmen Police station ang usa ka konduktor sa Public Utility Jeep kon PUJ human nasapon sa mga otoridad nga nagpayuhot sa illegal drugs.
Ang maong suspect nagpa-ila sa ngala nga si Noel Aranita, 38 anyos nga taga Malaybalay City, Bukidnon apan nagpuyo sa Agora Lapasan ug conductor sa Patag liner.
Matud ni Aranita nga mga 10:30 kagabi-e, nadakpan siya duol sa Provincial Capitol sa Misamis Oriental sa dihang nakuha gikan kaniya ang usa ka pakite sa suspected SHABU.
Matud sa maong suspect nga gikapkapan siya sa tulo ka mga police sa Carmen ug nakuha sa mga otoridad ang iyang dala nga illegal drugs.
Mopa-uli na unta ang maong suspect sa ilang balay sa Agora gikan nag-condok sa Jeep sa dihang gitawagan siya sa usa ka babayeng magkita sila sa Public plaza sa kapitolyo Provincial sa dihang gidakop siya sa mga ororidad.
Giangkon sa maong suspect nga naggamit siya sa illegal drugs uban sa pipila ka mga driver sa PUJ.
