Konduktor sa PUJ, nasikop sa mga operatiba sa CDEU tungod sa pagpyuhot sa iligal nga druga!

Nagmasulob-on karon ang suspek tungod sa pagkasikop ni-ini sa pagkalambigit sa iligal nga druga / Photo by: RadyoMaN AndyCoco

Malampusong nasikop sa mga operatiba sa City Drug Enforcement Unit kon CDEU ang usa ka konduktor sa PUJ tungod sa pagpayuhot sa iligal nga druga.  Kini atol sa anti-illegal drug buy bust operation nga gilusad diha sa Sta. Cruz 2, Brgy. Lapasan ning syudad sa Cagayan de Oro mga ala 1:00 pasado ang takna karong hapon.

Naila ang dinakpan nga 33 anyos nga si Romnick Cadano, dunay kaipon nga konduktor sa PUJ nga RD liner nga residenti sa maong dapit.  Nasayran nga ana-a sa watchlist ang maong dinakpan nga tigpayuhot sa iligal nga druga sa ilang lugar.

Napalitan sa usa ka sachet sa gituhoang shabu balor 500 pesos ang dinakpan nga maoy hinungdan sa pagka-aresto ni-ini.  Atol sa pag rekisa sa kang cadano, kuha pa gikan sa posisyon ni-ini ang laing duha nga ka mga sachet sa gituhoang shabu nga gisulod ni-ini sa usa ka plastic container.  Lakip nga nakuha gikan kaniya ang 500 pesos nga buy bust money.


Gibana-banang motimbang sa 1gram ang tanang nakumpiskang kontrabando sa suspek nga dunay street value nga moabot ngadto sa 6,800 pesos.

Gidala gilayon ang suspetsado sa Maharlika Detention Cell alang sa temporaryong pagkustodiya.  Samtang gihikay na ang tukmang kaso nga atubangon ni-ini ngadto sa korte.

Kasama mo sa CDEU, RadyoMan Andy Coco, DXCC Tatak RMN!

Facebook Comments