Davao City – Giaresto sa Calinan PNP ang usa ka lalaki atol sa gipahigayong buy bust operation sa may Davao Bukidnon Road ning syudad alas 10:07 sa kabuntagon.
Ang suspek mao si Abdalawi Rangines Acop slyas Abet, konduktor, hamtung ang pangidaron ug residente sa Sitio Darels Brgy. Lamanan Calinan ning siyudad.
Matod pa, gidakop si Acop human kini napalitan og droga sa kantidad nga 500 ka pesos.
Nakuha sa dinakpan ang lain pang duha ka mga sachet nga gituohang shabu ug usa ka medium size plastic heat sealed sachet nga adunay sulod nga crystallized white substance, buy bust money, cellphone ug ang bag diin asa niini gisulod ang mga iligal nga droga.
Ang dinakpan gi custodiya na sa buhatan sa kapolisan sa Calinan apil usab ang mga items nga nakuha atol sa ilang operation.
RadyoMaN Paul Canono
