General Santos City—Gihingusgan karon ni Kagawad Beth Bagonoc- konsehal sa dakbayan sa Gensan nga kung unsa man ang nalatid sa batakang balaud sa nasud maoy angayan nga ipatuman.
Kini may kalabutan sa plano sa administrasyong Duterte nga tanggalon na ang mga partylist sa gobyerno tungod sa pagsuporta sa mga NPA.
Sumala ni Bagonoc nga dili makatarunganon nga tanggalon ang tanang partylist tungod dili man usab tanan ang nagasuporta sa rebeldeng grupo.
Gani dugang gihingusgan ni Gensan City Councilor Beth Bagonoc nga bisan pa man nga masuspetsahang mga supporters sa NPA ang usa ka partylist, dili man usab angayan nga basta-basta nalang kining tanggalon.
Rason sa opisyal nga dili lang man ang maong rason ang angyan nga tan-awon kundili basihan usab ang balaud.
Gani bisan pa man nga na-link sila san pa kinahanglan man usab kini nga pamatud-an una subay na usab sa proseso sa gobyerno. (Jordan Britos)
(Photo From Facebook)
