BACOLOD CITY – Nagalumaw lumaw ang mata nga gin-annnounce ni Councilor Ricardo ‘Cano’ Tan nga wala na ini sya plano nga magpapili sa anuman nga posisyon sa Bacolod sa maabot nga 2019 elections.
Suno kay Tan nga amu ini ang desisyon nga ila nadangtan sa iya pagkonsulta sa kabarangayan kag mismo sa iya pamilya.
Dugang pa ni Tan nga ginkonsulta nya man ang iya mga lideres angot sa iya desisyon dala pasalamat sa mga ini sa ginhatag nga sakripisyo kag pagsalig.
Halos duha ka tuig ang iya preparasyon sa plano nga pagpapili Mayor kag nasubuan sya sa sini nga desisyon.
Gin-ako nya man nga indi lahog lahog ang iya nadangtan tubtob nga bisan gab-i nagahouse-to-house sa diin naggasto man ini sang dako.
Nadismaya man sya sa iya ginapatihan mga kaalyado bangod wala sila naghilisugot. Wala nya man natumod kon sin-o ang mga ini bangod indi man sya gusto nga magdalom pa ang isyu.
Nag-abot man sa ponto nga daw maresign na sya bilang konsehal apang indi nya matalikdan ang malapit 119,000 nga nagboto sa iya.
Bisan konsehal indi naman sya magpapili bangod amu na ina ang nadangtan sang iya desisyon upod ang iya pamilya kag grupo.
