Nagalaom si Bacolod City Councilor Dindo Ramos nga kuntani may refund para sa mga nagbakal sang motorcycle barrier matapos nga ginpahanugutan naman sang National Inter-Agency Task Force (NIATF) ang pag-angkasanay sa motorsiklo sang mga magkaupod sa balay nga indi na kinahanglan ang barrier.
Sa interview sang DYHB kay Councilor Ramos, nga chairman man sang Committee on Transportation sa Sangguniang Panlungsod, ginpahayag sini nga “long over due” na ang desisyon sang NIATF nga pahanugutan ang angkasanay sa motorsiklo sang mga magkaupod sa balay nagligad nga Agosto 18 sa mga lugar sa idalom sang General Community Quarantine (GCQ) kag pwede man mapatuman sa mga yara sa Modified GCQ depende sa local government unit.
Nahibaluan nga antis ang Agosto 18, ginmando sang NIATF ang pagbutang sang motorcycle barrier sa tanan nga naga-angkasanay gani madamo ang nagbakal sini. Apang halin pa sang nagligad, ginakontra na ni Ramos ang motorcycle barrier bangud sang halit nga matuga sini sa mga riders kag mangin ang konseho sang Bacolod ang nagsulat sa NIATF agud hatagan ini konsiderasyon.
Karun nga allowed na ang angkasanay sa magkaupod sa balay, nagalaom si Ramos nga kuntani may refund ang mga nakabakal na sang barrier.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
