Mipasalamat si Konsehal Leon Gan ngadto kang Presidente Rodrigo Duterte sa gilarawng Metropolitan Cagayan de Oro nga ika-upat nga metropolis sa nasud.
Kini ang gipadayag ni Gan atol sa sesyon sa konseho sa dihang gituki ang resolution nga naghangyo sa National Economic and Development Authority sa pagpangulo nga mapadali ang pagtukod sa Metropolitan Cagayan de Oro.
Matud ni Gan nga dugay na kining pangandoy sa nanglabay pa nga namunuan sa syudad ug dako ang iyang paglaum nga matuman na kini human nahilakip sa Philippine Development Plan.
Gidugang sa Konsehal nga nadungog usab niya ang pag-anunsyo ni Presidente Duterte nga ang syudad maoy mahimong ikaupat nga metropolis sa nasud.
Facebook Comments
