General Santos City– Gipaklaro ni City Councilor Brix Tan nga dili nimo mamahimong ingon ang katawhan sa dakbayan nga dili mu-invest o mag-donate sa unsa mang money making scheme.
Atol sa gipahigayong committee hearing milabay’ng adlaw, gibutyag niini nga ang mahimo lang sa konseho mao ang paghatag ug giya sa katawhan nga maniguro sa unsa mang paggamitan sa ilahang kwarta.
Busa dili matud pa nila mamahimong pugngan o babagan ang kinsa mang buot mu-invest sa gika-ingong KAPA kon Kabus Padatuon nga sumala pa usa ka money making scheme.
Dugang pahayag ni Tan nga kung mapamatud-an nga naga-operate na sa dakbayan sa gensan ng kapa kon kabus padatuon, dili matud pa nila kini mamahimong mapa-undang kung wala silay kaugalingong opisina sa dakbayan.
Sumala niya nga dili nila mapugos ang KAPA nga mukuha ug business permit sa dakbayan kung anaa sa Alabel ang ilahang opisina.
Apan labing maayo matud pa kung boluntaryong mukuha ug business permit ang mga nahisgutan. Kung asa magdepende matud pa kini sa suhesyon nga ihatag sa city permits and licensing office.
