Dili lang ang Business Sector ang nagbaton sa kabalaka sa mamahimong impact ug epekto sa El Niño Phenomenon nga gibantayan sa Pag-asa.
Lakip sa nabalaka sa maong Phenomenon si City Councilor George Goking ang Chairman sa Committee on Trade and commerce sa City Council.
Matud ni Goking nga iyang gikabalak-an nga apektado sa el Niño ang supply sa mainom nga tuig ug ang supply sa kuryente.
Gipasabot ni Goking nga sa dihang dunay El Niño nga nasinati sa milabayng mga tuig nahitabo ang power crisis sa Mindanao tungod sa pagminus sa supply sa tuig sa mga hydro power plants.
Tungod niini nga kabalaka, gipasabot ni Goking nga iyang ipatawag sa iyang Committee ang Pag-asa, Business sector, Power Producer, Power distributor ug uban pang stakeholders aron ilang mapangitaan sa paagi unsay buhaton sa gobyerno nga matubag ang mamahimong epekto sa El Niño nga gibantayan sa Pag-asa.
