Pormal nga gi-endorso sa usa ka dakong grupo sa Simbahang katoliko ning syudad sa Cagayan de Oro nga gitawag og “Kalihukan kon Hiniusang Lihok alang sa nasud ang kandidatora ni Councillor Zaldy Ocon.
Mao kini ang gibutyag ni Atty. Proc Sarmen ang leader sa maong grupo, kinsa mi-ingon nga iyang gi-endorso si Ocon isip Catholic faith defender sa simbahang katoliko ning syudad.
Matud ni Sarmen nga gawas ni Ocon duna pay ubang kandidato nga ilang gi-endorso nga ilang gitohoan nga maoy magpadayon sa pakigbisog aron supakon ang mga Anti life Policy sa kagamhanan.
Gipasabot ni Sarmen nga ang ilang pag-indorso sa kandidatora ni Ocon ug uban pang kandidato wala nagpasabot nga ilang gidiktahan ang mga botante apan usa lamang kini ka giya sa pagpili sa mga kantidato nga tigpanalipod sa Catholic church.
