Napikon si Councilor Zaldy Ocon sa 10 million pesos nga river dike control project sa suba sa barangay Cugman nga gitrabaho sa Jejors Construction Corporation.
Kini human nakita sa maong konsehal nga walay iron file drive ang nasangpit nga proyekto.
Sa iyang personal nga occular Inspection, nadiskobre niining buot lamang sa Jejors nga kamadahan sa bato ug semento ang maong proyekto.
Kini ang rason nga temporaryong gipaundang ni Ocon ang maong proyekyo, samtang wala pa kini butangi sa Jejors sa iron file drive.
Nabalaka ang maong opisyal nga ang maong proyekto, mahisama sa river dike nga gitrabaho sa DPWH sa barangay Macasanding nga nakankan sa baha tungod kay walay iron file drive.
Dugang pa ni Konsehal Ocon nga ang maong proyekto gigastohan sa City hall sa kantidad nga 10 million pesos ug ang pundo nga gikan sa 20% development fund sa lokal nga kagamhanan.
