Ramon Magsaysay, Zamboanga del Sur – Naglusad na sa makuti nga imbestigasyon ang otoridad aron masuta ang motibo ug maila ang mga responsable sa pagpusil patay sa usa ka Sangguniang Bayan Member.
Patay ang biktima nga konsehal sa lungsod human gi-atake sa riding in tandem didto sa Brgy. Bobongan, Ramon Magsaysay, Zamboanga del Sur.
Giila ni Senior Inspector Ryan Wakat, hepe sa Ramon Magsaysay ang biktima nga si Romeo Mainar, Sr., konsehal sa lungsod sa Sominot ning probinsya.
Sumala ni Wakat nahitabo ang insidente alas 12:10 kagahapon sa udto samtang nagbayahe si Mainar kalit nga nibutho sa iyang kilid ang duha ka suspetsado sa nga nagpunay pagsunod kaniya ug walay langan nga gipusil ang biktima.
Dead on the spot ang biktima human nakahi-agom sa walo ka samad pinusilan sa lawas.
Daling nisibat ang mga mamumuno human sa hitabo ud gisulay pa pagdala sa ospital ang biktima apan wala na kini isulod pa sa Zamboanga del Sur Medical Center .
