Nagalaom ang chairman sang Committee on Transportation sa Sangguniang Panlungsod sang Bacolod nga hingalitan sang mga operators ang ginhatag nga extension sa deadline para sa filing sang applications para sa consolidation sang individual kag existing franchise holders sa idalom sang PUV Modernization Program (PUVMP).
Sini kuntani nga Disyembre 31, 2020 ang deadline para sa filing sang consolidation sang franchise apang gin-extend ini sang Land Transportation Franchising and Regulatory Board (LTFRB) sa Marso 31, 2021, gani nagalaom si Ramos nga hingalitan ini sang mga operators agud i-proseso ang ila mga dokumento.
Nahibaluan nga sa idalom sang modernization program sang gobyerno, required ang mga operators nga magsulod sa isa ka kooperatiba. Damlag pa sa interview sang DYHB, ginkumpirmar ni Jessie Ortega, secretary-general sang Sentrong Samahan ng Tsuper at Operators ng Negros (SSTONE), ginkumpirmar sini nga may isa na ka kooperatiba sa Bacolod nga nagaprepar na para sa modernization program.
[image: image.png]
