Konsehal sang Bacolod nagalaom pamatian sang NIATF ang resolusyon may angut sa ginahingyo nga konsederasyon sa motorcycle barriers

21

Nagalaom si Councilor Dindo Ramos nga pamatian sang National Inter-Agency Task Force (NIATF) ang resolusyon sang city council sang Bacolod nga ikonsiderar ang barrier sa mga motorsiklo.


Sa interview sang DYHB kay Councilor Ramos nga chairman sang Committee on Transportation, ginpahayag sini nga nagpasar sila sang resolusyon sang Hulyo 29 agud hingyuon sa NIATF nga hatagan konsiderasyon ang mando nga magbutang sang barrier sa mga motorsiklo bangud tuman ini ka impractical.

Para sa konsehal ang barriers sa mga motorsiklo ang tunaan lamang sang mga aksidente.

Nagakatingala ang konsehal sa pagka-stubborn (pagkatig-a) sang NIATF bisan pa nakahibalo sila nga sala ini kag madamo na ang nagareklamo sa amo nga mando.

Damlag pa, nagpadala man sang resolusyon ang konseho sa NIATF nga pahanugutan ang angkasanay sang mag-asawa kag immediate family members kag ini ang ginkonsiderar apang may mando nga dapat may barrier sa gihapon, rason nga gin-almahan man ini sang konsehal.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments