Gisuspenso sa Ombudsman si Konsehal Zaldy Ocon, sulod sa unom ka bulan.
Kini adunay kalambigitan sa kaso nga gipasaka sa usa ka traffic enforcer nga si Ric Emmanuel Agustin, batok ni Konsehal Ocon.
Nasayran basi sa desisyon sa Ombudsman, nga guilty si KOnsehal Ocon sa Conduct Prejudicial to the best Interest of the Service, ug gihukman nga suspendihon sulod sa unom ka bulan nga walay sweldo.
Nasayran usab nga nakitaan og probable cause sa Office of the Ombudsman ang nasangpit nga konsehal nga nakalapas sa Article 359 (Slander by Deed) of the Revised Penal Code.
Mahinumduman nga niadtong Nobyembre 30, 2016 dihang giisyuhan sa traffic violation si KOnsehal Ocon ni traffic enforcer Agustin, tungod sa pag-parking sa iyang sakyanan sa ‘’no parking zone’’ nga gipalagan sa konsehal ug nagresulta sa pagsagpa niini ngadto sa traffic enforcer.
By; Radyoman Aiza Enloran
