Gibana-banang mokabat sa 25 to 35-million pesos ang kantidad sa mga kontrabando nga gibuksan sa Bureau of Customs Region 10 kaganihang buntag.
Kini sa pagpanguna ni Customs Commissioner Isidro Lapeña.
Matud ni Lapeña nga mokabat sa 17 ka mga container vans ang gibutangan sa mga kontrabando.
Lima ka container vans, dunay sulod nga sibuyas kung asa gideklarang ahos ang sulod gikan sa China.
Ang 12 ka container vans dunay sulod nga mga ukay-ukay gikan sa Korea kung asa gideklarang dunay sulod nga mga sapatos ug bags.
Gidugang ni Lapeña nga gubaon nila ang tanang mga nakumpiskang kontrabando aron dili na mapahimuslan.
Facebook Comments
