Gin-inspection sang National Bureau of Investigation ukon NBI region 6 ang balay ni Mayor Jed Patrick Mabilog sa Barangay Tap-oc, Molo kaina sang hapon.
Kasunod ini sang pahayag ni Presidente Rodrigo Duterte nga imbestigahan ang balay ni Mayor Mabilog nga gintawag sini nga palasyo.
Sa pagsulod sang mga katapo sang NBI, ginkuhaan nila sang pictures ang mga salakyan sa compound sang pamilya Mabilog lakip na ang sulod sang balay kag iban nga bahin sang puluy-an sang alkalde.
Wala si Mayor Jed Mabilog sang magsulod ang NBI sa iya balay bangud didto pa ini sa Japan sa isa ka opisyal nga biyahe.
Ang manghod sini nga si Mr. JV Mabilog ang nagbukas kag nag-atubang sa mga katapo sang NBI kag subong man sa mga katapo sang local kag national media kag ginpakita ang kaundan sang kontrobersyal nga balay sang alkalde. (sspunay)
