Naghiwat sang prayer rally ang mga nagasuporta kay Mayor Jed Patrick Mabilog sa guwa sang City hall kagab-i.
Linibo ka mga supporters sang alkalde ang boluntaryo nga nagpadulong sa Plaza Libertad kag nag-upod sa prayer rally.
Una diri, isa ka misa ang ginhiwat sa San Jose Parish Church kon sa diin halos napuno ang simbahan sang mga nagasuporta kay Mayor Mabilog.
Matapos ang misa, nagtililipon ang tanan sa guwa sang simbahan kag naghiwat sang prayer rally.
Kaupod man ang iban nga sekta sang relihiyon ang nag-upod sa prayer rally kon sa diin indi lamang si Mayor Mabilog ang ginpangamuyuan kundi ang bilog nga siyudad sang iloilo kag tanan nga mga local officials. (sspunay)
