Davao City – Kooperasyon ang panawagan karon sa lokal nga panggamhanan sa Magsaysay, Davao del Sur human sa nahitabong 6.6 magnitude nga linog alas-9:06 kaganinang buntag.
Sumala pa ni Magsaysay Mayor Arthur Davin, gipangayo niini ang panaghi-usa sa katawhan labi na sa ilang mga residente aron makabangon sa problemang ilang gi-atubang.
“Siguro, mao ‘ron ang panahon nga magtinabangay ang mga katawhan. Mag cooperate sa mga mando sa LGU. Magsinabtanay sa atong sitwasyon ug panaghiusa sa mga problemang gi-atubang sa lungsod,” saysay ni Davin.
Gibutyag ni Mayor Davin nga ilang gipaniguro nga mahatagan gilayon og dugang tent ang mga biktima nga temporaryong kapuy-an sa nahisgutan.
Gawas sa temporary shelter, labing gikinahanglan usab sa nahisgutan ang pagkaon, tubig, hygien kits ug uban pa.
RadyoMaN Kirby Manzon
