Nasapwan nga patay ang isa ka korean businessman sa Ledesco Village nga sakop sang Brgy. Cubay sa distrito sang Jaro.
Sandig sa imbestigasyon ni SPO1 Arnel Villarante sang Jaro PNP, may komosyon nga nagluntad sa tunga sang napatay nga si Jin Soo Chun, 57-anyus kag sang iya asawa kun sa diin ginpahayag nga gintayaan pa sini ang asawa sang kutsilyo.
Bangud sini, nagpatunga ang bata nga amo ang suspek sang krimen nga ginkilala nga si Hye Soo Chu, 25-anyus kag ginlamposan sang matig-a nga butang ang iya amay kag ginbaleog pa ang lubid sa leog sini, nga amu naman ang gintunaan sang kamatayon sang biktima.
Nagpabutyag naman nga desidido nga pasakaan sang kaso ang suspek nga sa karon, ara naka-hunong sa lock up cell sang Jaro Police Station.
