May local transmission na sang COVID 19 sa Koronadal City kag pipila ka banwa sa South Cotabato. Ini ag ginkumpirmar ni Provincial Health Officer Dr. Rogelio Aturdido Jr.
Apang ginakasubo nya nga may 4 na nga napatay sa probinsya tungod sa COVID19 sa diin 2 sa Polomolok kag tig- isa naman sa Tupi kag Koronadal City nga ang pinakatigulang ang yara sa masobra 80-anyos kag 45-anyos naman ang pinakabta nga nabawian sang kabuhi.
Ginkumpirmar man ni Dr. Aturdido nga yara sa 21 ka medical workers sa South Cotabato ang nag positibo sa COVID19. Sa nasambit nga numero 11 halin sa Koronadal City Health Office kag 10 naman sa South Cotabato Provincial Hospital.
Samtang may 2 naman ka doktor suno kay Dr. Aturdido ang nagpositibo sa virus nga may mild nga sintomas.
Sa subong suno pa nagalab-ot sa 147 ka mga medical workers nakaquarantine.
Hingyo naman sang pamunuan sang IPHO sa katawhan nga magkooperar agud pakigbatuan ang virus kag magsugid sang matuod ukon mangin honest kon may travel history kag may close contact sa nagpositibo sa COVID-19 agud nga indi man mabutang sa alanganin ang mga health workers.
