Magapabilin nga ako ang alkalde sang syudad, ini ang panindugan ni Koronadal City Mayor Eliordo Ogena, tungod indi man suno pa final and executory ang desisyon sang korte sa sala ni RTC branch 42 Judge Jordan Reyes angot sa quo warranto petition nga ginfile batok sa iya ni Koronadal City Vice Mayor Peter Miguel.
May-angot sini, ginapalab-ot ni Mayor Ogena sa mga empleyado kag pumuluyo sang Koronadal nga wala sang dapat nga kabalak-an tungod madamo sang legal nga remedies siya nga mahimo nga isa dire ang pagfile sang motion for reconsideration nga madepensahan ang pagbutang sa iya sa pwesto.
Samtang suno sa alkalde nag-ugat ang nasambit nga isyu sa desisyon sang Korte Suprema sang Pebrero 2, 2016 sa diin ginsuspindir sang duha ka tuig ang pagpractice sini bilang abogado kag indi na makapatigayon sang notaryo tubtob san-o tungod sa kaso nga falsification of public documents nga ginfile sadto anay sang private person.
Samtang tungod tuig 2016 pa ang desisyon naserbihan na suno pa sini ang suspension kag sang nagpapili ini sa pagkabise alkalde nga nagdaug subong man sang nagpapili bilang alkalde wala man sang nagfile sang disqualification suno pa sa iya.
