South Cotabato–Gikabutyag ni Police Colonel Joel Limson ang Provincial Director sa south Cotabato Police Provincial Office nga posibleng suspek sa pagpusil patay sa duha ka biktima nga silang Manny Alvarez Diaz ug Violebeth Guiamalon ang mga nabudol-budol sa mga nasampit Gumikan sa kadagkong mga kantidad sa kwarta ang nakuha sa ilahang mga nabiktima.
Saysay pa ni Limson nga gumikan sa grabeng kasuko sa ilang nabiktima sa budol-budol nga sagad mga senior citizen posibleng naghire matud pa kini ug mga hard killer aron maoy mopatay ngadto sa mga biktima.
Kahibaloan nga una nang gipangpusil patay ang duha ka biktima pasado alas 12:00 sa udto samtang gikan kini sa Koronadal city PNP ug padulong sa usa ka mall sa koronadal sakay sa Tricycle gisundan matud pa sa riding in tandem suspek ug pag abot sa Gensan Drive didto na gipangpusil ang mga nasampit gamit ang kalibre 45 nga pistola nga miigo sa ilang ulo nga miresulta sa ilangkamatayon.
kung kahinumduman usab nga niadtong milabay nga Septyembre 11 una nang nasikop ang mga biktima sa kapulisan gumikan sa ilahang modus nga gihimo sa usa ka mall sa koronadal kung asa usa ka senior citizen ang ilang nabiktima gani misuway pa kini ug hatag ug suhol sa kapulisan aron lang dili ipadayon ang pagpasang-at ug kaso batok kanila apan nakagawas kini sa prisohan human ngan kabayad ug piyansa.(Reynald Timario)
