Koronadal City—ugdaw ang dakong parte sa Koronadal Public market human kining nasunog alas 8:50 ang takna kagabie.
Nasayran nga ugdaw ang Maranao Section, bulad section, dry goods section ug Pipila ka pwesto gikan sa 2 story building apil na ang law office ni Koronadal Vice Mayor Eliordo ogena nga nahimutang sa 2nd Floor sa gambalay.
Sa inisyal nga impormasyon nga nahagpat sa RMN Koronadal nasuta nga miabot sa 4rth alarm ang nasangpit nga sunog. Nasayran nga mirespondi ang mga kabomberohan sa mga lungsod ug syudad sa South Cotabato apil na sa Gensan.
Nasayran nga dugay naapula ang kalayo tungod kay naglisod ang mga bomboro nga maabot sa tubig ang tanang area nga apektado sa sunog.
Sa karon padayon ang imbistigasyon sa Bureau of Fire Protection Koronadal ug kasamtangan pa karon nga ginasuta ang hinungdanan ug ang kinatibuk-ang danyos sa maong sunog.
Photo Credit to: Mary Grace Lawian Tabiolo
