San Miguel, Zamboanga del Sur – Naglusad sa makuti nga imbestigasyon ang otoridad labot sa nahitabong pagsunog sa korte sa Regional Trial Court Branch 29, San Miguel, Zamboanga del Sur ala 1:00 sa kadlawon kagahapon.
Sa inisyal nga imbestigasyon sa San Miguel Municipal Station, lima ka mga armadong mga suspek ang kalit nga niabot sa lugar nga sakay sa motorsiklo nga Kawasaki XTZ ug Honda wave ug largong girombo ug gituonan ang duha ka gwardiya nga sila si Rodrigo Cañete ug Ray-an Lipasana.
Nasayran usab nga gibaklid ang mga gwardiya og gibaatan gamit ang tape ug gidala ngadto sa Engineering building distansya og diyutay sa korte samtang laing mga suspek ang nikuha og gasolina nga maoy gisabyag sa mga ballot box ug dayon gisindihan.
Ang Lapuyan ug Dinas Fire Station ang nibugno sa kalayo nga niabot ngadto sa ikaduhang alarma apan pagpatong sa alas 2:13 sa kadlawon hingpit kini nga gideklarang fireout.
Gibana-banang mobalor sa tunga sa milyon ang damyos maong sunog.
Sumala ni Pcapt. Roger Bartiana, hepe sa San Miguel Police, usa sa angulo nga ilang gisuta kun may kalabutan ba kini sa election protest sa mga pildirong kandidato sa lungsod sa Dimataling ning probinsya.
