*General Santos City— Patay ang duha ka katao human mag-dwelo sa Brgy. Lamfugon, Lake Sebu, South Cotabato. Kini ang gikumpirma ni Pol. Maj. Johnrick Medel, ang hepe sa Lake Sebu PNP.*
*Sumala niya nga migawas sa inisyal nilang imbestigasyon nga away sa yuta ang hinungdan sa pagdwelo sa duha ka tao nga nailang sila si Junie Mlaan, 32 anyos ug alyas Pee, 23 anyos.*
*Pamahayag niya nga gumikan sa kalayo sa lugar, mga patay’ng lawas nalang sa duha ang ilahang naabtan ug wala na ang mga armas nga gigamit.*
*Dugang pamahayag ni PMaj. Medel nga wala silay foul play nga nakit-an sa kamatayon sa duha kundili ang dwelo nga ilahang gihimo subay na usab sa pamahayag sa mga residente sa lugar.*
*Wala na matud pa narekober ang armas nga ilahang gigamit uig posibleng gikuha na sa ilahang mga kabanay. Gikonsidera na usab nilang case close ang kaso gumikan wala na silay mapasakaan ug kaso gumikan pareho man silang namatay.*
