General Santos City – Gimanduan sa Korte Suprema ang Commission on Elections nga magmugna ug special provincial board of canvassers aron ma-deklarang daog isip Kongresista sa 1st District sa South Cotabato apil na sa Gensan ni kanhing GenSan Vice Mayor Shirlyn Banas Nograles.
Ang kamanduan sa SC human sa pagpabor sa mga mahistrado sa petisyon ni Nograles nga ibasura ang resolusyon sa COMELEC nga nagsuspendi sa election sa pagka-Kongresista sa 1st Dist sa SoCot ug GenSan niadtong May 13, 2019.
Nakalatid sa COMELEC resolution 10524 nga magtatakda ug special elections sa 1st Dist at lone district sa General Santos City subay sa RA 11243 nga nagsiak sa GenSan gikan sa 1st District South Cotabato.
Gideklara usab sa SC nga NULL & VOID ang resolusyon sa COMELEC tungod sa interpretasyon sa mga mahistrado nga sa May 2022 pa ang sunod nga election para mopili representante sa lone district sa GenSan ug sa 1st Dist sa South Cotabato.
Ang RA 11243 nahimong balaod niadtong Abril 2019 nga sakop na sa election period.
Kahinumduman nga nakakuha ug taas nga boto ni Nograles niadtong May 13 elections.
