Gipahayag sa Bukidnon Provincial Police Office nga niubos ang ihap sa mga
krimen nga gilambigitan sa mga batan-on human ang istriktong pagpatuman sa
curfew hour sa tibook probinsya.
Sa interview sa RMN ngadto kang PSupt. Arce Yam-oc, ang hepe sa PNP-Bukidnon
planning and operations gibutyag niini nga 90% ang pag –ubos sa krimen nga
gikalambigitan sa mga menor de edad human ang hugot nga pagpatuman sa
curfew sa duha ka siyudad ug mga lungsod sa Bukidnon.
Gisiguro ni Yam-oc nga tanang lungsod ang nagpatuman ninii ug mas hugot nga
pagpatuman pa ang gihimo sa dakbayan Malaybalay ug Valencia.
Matud niini nga adunay usab silay warning ngadto sa mga batan-on pag-abot
sa alas 10 sa gabie.
Adunay usab silay gamay nga consideration sa mga taga Malaybalay nga
mutan-aw sa nagpadayong aktibidad sa Kaamulan Festival 2018.
Sigun niya nga prayoridad nila ang kaluwasan sa mga batan-on sa ilang
pagpahigayon sa curfew aron dili na subling mahitabo ang susamang
gidangatan sa usa ka menor de edad nga gilugos ning nakalabay nga semana.
Gipasabot pa sa opisyal nga mamahimo exempted ang mga menor de edad kung
kauban ninii ang ilang mga ginikanan kung muagwas sa oras sa curfew.
