Gidala sa Northern Mindanao Medical Center ang duha ka magsoon human gidungggab sa silingan nga nasuko sa ilang pagkanta-kanta.
Ang mga biktima mao silang Benjie Obalang, 30 anyos ug Richard Obalang, 40 anyos nga puros taga Kyare, Manolo Fortich, Bukidnon.
Matud sa biktimang si Benjie nga nagkanta-kanta lang sila sa iyang magulang nga si Richard sulod sa ilang balay ug gituohan niining nagselos ang ilang silingan sa ilang pagkanta-kanta busa gidunggab sila niini.
Samad dinunggaban sa walang bahin sa ilok ug toong bahin sa kamot nga naangkon ni Benjie ug samad dinunggaban sa walang bahin sa abaga ug toong bahin sa tiyan ang naangkon ni Richard.
Samtang nasikop na sa kapulisan sa Manolo Fortich, Bukidnon ang suspek nga si Mat Glen Saguinwan.
Insedente nahitabo mga alas 8:30 sa gabie sa Manolo Fortich, Bukidnon.
