Napagawsan ug warrant of arrest sa korte ang iladong kritiko ni Mayor Ronnievic Lagnada ug broadcaster nga si Renato Guevarra. Sa impormasyon nga nasayran sa RMN DXBC Butuan, nag-atubang si Guevarra ug kasong paglapas sa sec. 34 sa COMELEC Resolution No. 10049 kon Fair Elections Act of 2016 nga gipasaka sa kaalyado ni Mayor Lagnada nga si Eldie David.
Gialegahan ni David si Guevarra nga nakalapas sa Fair Elections Act of 2016 sa dihang nagtagawtaw kini sa usa ka FM Radio station sa dakbayan sa Butuan ug nipasangil ni Cong. Lawrence Fortun nga matud pa, “Lawig Traydor”, ignorante, bakakon, hakug sa salapi ug gahum, kurakot, tiggamit ug shabu ug traydor.
Gihimu ni Guevarra ang maong akusasyon sa radio luyu nga nagsugod na ang “campaign period” ug usa siya ka kandidato pagka-Konsehal sa Butuan ubos sa partidong Aksyon Demokratiko.
Subay sa balaod gilimitahan sa COMELEC ang “exposure” sa media sa mga kandidato kung magsugod na ang kampanya ug kini maoy nalapas matud pa ni Guevarra.
Sa Facebook post ni Guevarra iyang gibutyag nga kini maoy resulta sa iyang pagpasaka ug kaso sa Ombudsman batok ni Mayor Lagnada sa kalapasan sa Statement of Assets Lialibilities and Net worth (SALN)
Dugtong sa maong balita… Nahikawan ko sa “due process”. Kini ang sintimento ni Renato Guevarra subay sa iyang warrant of arrest nga nigawas sa alegasyong nakalapas sa sec. 34 sa COMELEC Resolution No. 10049, sa interview sa RMN DXBC Butuan.
Niya pa nga walay ni bisan usa ka subpoena ang iyang nadawat gikan sa City Prosecutors Office aron unta matubag ang maong kaso ug wala usab siya masayod nga gipasakaan diay kini’g kaso ni Eldie David.
Gi-kwestyon usab ni Guevarra kung nganong gabie man gyud moadto sa iyang panimalay sa brgy. Bancasi ang mga pulis nga unta taas man kaayu ang oras kung adlaw kini e-serve.
Luyu niining tanan, andam magpapreso si Guevarra kung kini sama man niini ang sistema sa hustisya.
Sent from my Samsung Galaxy smartphone.
