Kumpirmado nga iya sang ilonggo OFW nga si Mikelangelo Claveria sang banwa sang Cabatuan ang nasapwan nga mga tul-an sa sulod sang isa ka septic tank sa South Korea sang nakaligad nga adlaw.
Ini matapos nag-match ang DNA sample sang iloy sa nasapwan nga mga tul-an.
Bangud sini, lubos na nga nadulaan sang paglaum ang pamilya Claveria nga makita nga buhi si Mikelangelo.
Apisar sini, nagalaum ang pamilya nga maangkon nila ang hustisya bangud may mabakod sila nga mga ebedensya batuk sa suspek nga nagpatay sa biktima.
Nahibaluan nga 2014 sang magtrabaho sa South Korea si Mikelamngelo agud makabulig sa iya pamilya apang sang enero 2016, wala na ini naka-communicate sa iya pamilya diri sa Iloilo.
Matapos ang duha ka tuig nga pagka-missing, nakabaton sang impormasyon ang pamilya nga may nakutkutan nga mga tul-an sa isa ka septic tank nga ginapatihan si Mikelangelo.
Indi pa magpati ang pamilya nga himata nila ang nakita nga mga tul-an tubtub nakumpirmar ini pinaagi sa DNA test.
(c) Ettenaej C Gallego
