General Santos City–Dili na matud pa bag-o alang kay Police Supt. Samuel Cadungon ang bag-ong labaw sa Polomolok Police Station ang pagbalhin-balhin kanila sa nagkadaiyang assignment gumikan kay mao kini ang gisudlan nilang trabaho, ang paghatag og serbisyo og pagprotektar sa katawhang Pilipino.
Sumala pa niini nga gasunod lamang sila sa mando sa ilang labaw kung asa sila ipang assign nga lugar basta ang importante ilang himoon ang ilang trabaho isip tigpanalipod sa kinabuhi sa mga tao og tigpatuman sa mga balaod.
Dugang pa sa maong opisyal isip bag ong labaw sa Polomolok Police Station, iyang gibutyag nga duna siyay mga programa og mga plano sa iyang liderato nga mao ang pag establish sa ilang komunikasyon gikan sa mga barangay og sa mga purok aron makatabang sa paghatag og impormasyon nga nagkahitabo sa ilang area of responsibility.
Gikabutyag usab ni P/supt Samuel Cadungon nga wala sila nalisdan sa ilang trabaho gumikan kay mao kini ang gipili nilang trabaho basta nakaplano lang ang tanan og magtinabangay ang usa- usa walay rason nga malisdan sila sa ilang trabaho. (Reynald Timario)
