Kalawit, ZDN-Tingkagol sa bilangguan ang suspetsado sa pagpangluba sa usa ka opisyal sa barangay didto sa Purok 7, Brgy. Fatima, Kalawit, Zamboanga del norte.
Nahitabo ang maong insidente kagahapon sa kadlawon sa may 1:50AM, Marso 18, 2019.
Usa ka konsehal sa barangay ang nahimong biktima nga mao si Eglory Gumoba Sandiego kinsa giluba ni Bensio Pacho Demalig, 53 anyos nagpuyo ra usab sa maong dapit.
sa nakuha nga impormasyon sa rmn dxdr, ang biktma ug ang suspetsado nagkalalis kini tungod sa wala pagkasinabtanay may kalabot sa balayrunon sa kuryente tungod kay kining suspek nga si Bensio nikutay kini ug kuryente sa panimalay ni konsehal.
Tungod sa ilang lalis, kalit nga mibunot sa sundang ang suspek ug mi luba gilayon sa biktima, swerte usab nga naka eskrima ang konsehal ug ang iyang sanina lamang ang nagisi, dali nga mipalayo si konsehal Eglory sa suspek.
Malampuson nga naaresto ang suspek human girespondehan sa kapulisan ug hayan na kini mag atubang ug kaso ngadto sa korte.
